advertisement
EDITORIAL

What's next ?

CARTOON
Opinion
Archived Issues
O P I N I O N

email: joesum@mozcom.com

Ika-17 nga Domingo sa Tuig (B) Hulyo 30, 2006

EBANGHELYO (Markos 6:1-15)

o1Human niini mibalik si Jesus pagtabok sa Lanaw sa Galilea (o Lanaw sa Tiberias). 2Misunod kaniya ang daghan kaayong tawo, kay nakita man nila ang mga milagro sa iyang pag-ayo sa mga masakiton. 3Mitungas si Jesus sa usa ka bungtod ug milingkod didto uban sa iyang mga tinun-an. 4Niadtong higayona duol na ang Pangilin sa Pagsaylo. 5Unya mitan-aw si Jesus sa libot niya ug sa pagkakita niya sa daghang mga tawo nga nagpaingon kaniya, miingon siya kang Felipe, “Asa man kita makapalit ug igong pagkaon alang niining mga tawo?” 6Gisulti niya kini aron pagsulay kang Felipe, apan ang tinuod mao nga nahibalo na siya kon unsay iyang buhaton. 7Si Felipe mitubag, “Bisag mopalit kitag pan nga bilig 200 ka denario dili paigo nga ipakaon niining mga tawhana.” 8Usa sa iyang mga tinun-an nga si Andres, igsoon ni Simon Pedro, miingon kang Jesus, 9“Aniay batang lalaki dinhi nga may lima ka pan nga sebada ug duha ka isda. Apan mag-unsa man kini alang niining tanang tawo?” 10Si Jesus miingon kanila, “Palingkora ang mga tawo.” (May daghang balili niadtong dapita.) Busa nanglingkod ang mga tawo nga may gidaghanon nga mga 5,000. 11Unya gikuha ni Jesus ang pan, gipasalamatan niya ang Dios, ug giapod­apod niya kini ngadto sa mga tawo. Mao usab kini ang iyang gibuhat sa isda, ug silang tanan nakakaon kutob sa ilang gusto. 12Sa nangabusog na silang tanan, miingon siya sa iyang mga tinun-an, “Hiposa ninyo ang mga salin aron walay mausik.” 13Busa gihipos nila ang tanan, ug ang mga salin sa lima ka pan nga sebada nga gikaon sa mga tawo nakapunog 12 ka bukag. 14Sa pagkakita sa mga tawo sa milagro nga nabuhat ni Jesus, miingon sila, “Sa walay duhaduha siya gayod ang Propeta nga moanhi sa kalibotan.” 15Nakamatikod si Jesus nga moduol sila kaniya ug kuhaon siya aron pugson nga mahimong ilang hari; busa mibalik siya nga nag-inusara ngadto sa kabungtoran. Ang Ebanghelyo sa Ginoo.

KAHULOGAN SA EBANGHELYO (Juan 6:1-15)

Sulod sa sunod lima ka mga Domingo atong hunongong ang pagbasa sa Ebanghelyo sumala ni San Markos. Sugdan nato ang pagbasa sa inilang Kapitulo 6 sa Ebanghelyo si San Juan . Mao kini ang taas nga saysay kabahin sa Pan sa Kinabuhi. Nagsugod kini sa pagpilopilo sa gidaghanon sa pan ug nagpadayon sa “pagtulon-an sa Pan sa Kinabuhi”. Niining maong saysay, Si San Juan nagpaambit kanato og pamalandong sa Eyukaristiya ug sa Pagtuo.

1Human niini mibalik si Jesus pagtabok sa Lanaw sa Galilea (o Lanaw sa Tiberias). 2Misunod kaniya ang daghan kaayong tawo, kay nakita man nila ang mga milagro sa iyang pag-ayo sa mga masakiton. Sa katapusan niining saysay (Juan 6:66) makita nato nga kining mga tawhana mga gutom sa mga timaan ug nagpabilin nga wala mutuo ug wala mosunod diha kang Cristo. 3Mitungas si Jesus sa usa ka bungtod ug milingkod didto uban sa iyang mga tinun-an. 4Niadtong higayona duol na ang Pangilin sa Pagsaylo.

Ang paghisgot sa Pangilin sa Pagsaylo maoy usa ka tataw nga indikasyon sa umaabot nga mga pulong sa panalangin nga ilitok ni Jesus (“eucharistesas” sa Griego) ngadto sa mga pan. Niining tungora, si San Juan naghunahuna na sa Eyukaristiya. Sa iyang pagsulat niini, si Juan uban na sa kasaulogan sa Eyukaristiya, sulod sa kap-atan o kalim-an ka mga tuig—sukad niadtong gabii nga si Jesus nagsaulog sa katapusang panihapon sama sa Pangilin sa Pagsaylo.

5Unya mitan-aw si Jesus sa libot niya ug sa pagkakita niya sa daghang mga tawo nga nag­paingon kaniya, miingon siya kang Felipe, “Asa man kita makapalit ug igong pagkaon alang niining mga tawo?” 6Gisulti niya kini aron pagsulay kang Felipe, apan ang tinuod mao nga nahibalo na siya kon unsay iyang buhaton. Ang Dios mao ang Gugma! Kini ang gipakita ni Jesus kon unsa ang Dios. Si Jesus nasayod sa gikinahanglan sa mga tawo. Ang milagro nga iyang buhaton mao ang usa ka gasa sa gugma. Ang gasa sa Eyukaristiya maoy usa ka gasa sa gugma.

7Si Felipe mitubag, “Bisag mopalit kitag pan nga bilig 200 ka denario dili paigo nga ipakaon niining mga tawhana.” 8Usa sa iyang mga tinun-an nga si Andres, igsoon ni Simon Pedro, miingon kang Jesus, 9“Aniay batang lalaki dinhi nga may lima ka pan nga sebada ug duha ka isda. Apan mag-unsa man kini alang niining tanang tawo?” Nag-atubang sa susamang mga suliran, daw sama usab ang atong tubag: : “Unsay may akong mahimo? Wala akoy igong kakayahan!” Tinuod nga kon kita magpabilin nga mag-inusara wala kitay igong mahimo. Apan makapasaylo ba kita sa atong kaugalingon sa dili paghatag og tabang?

Usa ka dako nga panig-ingnan ang gibuhat ni Jesus. Makahimo unta siya sa pagpatungha sa pagkaon gikan sa wala. Apan wala niya kini himoa. Iyang gikuha ang pagkaon nga giandam nang daan sa tawo. Usa ka dili kalikayan nga gikinahanglan alang sa pagpilopilo sa pan mao ang pagtugot sa bata nga mohatag sa iyang gidala nga pagkaon, nga unta alang lang kaniya, ngadto sa uban. 10Si Jesus miingon kanila, “Palingkora ang mga tawo.” (May daghang balili niadtong dapita.) Busa nanglingkod ang mga tawo nga may gidaghanon nga mga 5,000. 11Unya gikuha ni Jesus ang pan, gipasalamatan niya ang Dios, ug giapod­apod niya kini ngadto sa mga tawo. Mao usab kini ang iyang gibuhat sa isda, ug silang tanan nakakaon kutob sa ilang gusto.

Gipasalamatan ni Jesus ang Amahan. (“Eucharistesas”). Wala hikalimti ni Jesus ang tawhanong kagutom sa mga tawo. Apan usa sa tanan, siya gayod nagpahinumdum kanato sa “kagutom sa Ginoo”, nga mas mahinugdanon pa labaw sa tanan. 12Sa nangabusog na silang tanan, miingon siya sa iyang mga tinun-an, “Hiposa ninyo ang mga salin aron walay mausik.” 13Busa gihipos nila ang tanan, ug ang mga salin sa lima ka pan nga sebada nga gikaon sa mga tawo nakapunog 12 ka bukag.

Usa kini ka mahinungdanong detalye. Ang paglabaw pa sa unsay gikinahanglan mao ang timaan sa pagkaon. Sama sa panghitabo sa kasal sa Cana diin iyang gipadaghan ang bino! Ang pagpadaghan niini dili lamang alang sa mga tawo nga didto sa maong tapok, kondili alang kini sa tanan sa tibuok kalibutan. 14Sa pagkakita sa mga tawo sa milagro nga nabuhat ni Jesus, miingon sila, “Sa walay duhaduha siya gayod ang Propeta nga moanhi sa kalibotan.” Sulod sa matag kasingkasing sa tawo anaa ang pangandoy sa “milagro” nga makaluwas sa atong mga kalisod nga nahimutangan. Buot kita nga makakita sa mga saad nga pakapatukmod kanato sa “kauswagan” ug “maayong kaugmaon”. “Usabon ang mga estruktura, ug ang mga suliran masulbad”, matud pa sa mga magikero. “Usabon ang mga kasingkasing”, matud pa ni Jesus. Ang mga kabag-ohan sa estruktura mosunod ra unya.

15Nakamatikod si Jesus nga moduol sila kaniya ug kuhaon siya aron pugson nga mahimong ilang hari; busa mibalik siya nga nag-inusara ngadto sa kabungtoran. Adunay dakong tentasyon nga mosalig lang kita sa atong mga politikanhong tinguha. Apan si Jesus midumili sa pagkahimo sa iyang kaugalingon nga pineriso sa lumalabay nga mga butang ug gahum. Wala kini magpasabot nga walay hinungdan ang mga lumalabay. Apan ang tawo dili gayod nato isipon nga lumalabay lamang, kondili ang tawo may kinabuhing malungtaron o walay katapusan.

Ang Dios nagsinggit kanato, sama kang Diogenes nga usa ka karaang batid sa pilosopiya, “Dili kita makakaplag og malipay kon pun-on nato ang atong kaugalingon sama sa mga baboy.” Ang tinuod nga kagutom sa tawo wala diha sa kagutom sa pan nga yutan-on. Bisan pa kon atong atubangon ang kagutom nga yutan-on, apan dili usab hikalimtan nga ang labawng taas nga dungog sa tawo mao ang iyang pagbukas sa iyang kaugalingon sa Labing Labaw, ang Dios! Sa tumoy sa iyang nahimutangan kadaogan, siya nagpabilin sa “pag-inusara sa kaugalingon”. Mihimo siya niini kay ang pan nga iyang ihatag kanato mao man ang pan sa kinabuhing molungtad!

1
The Bohol Sunday Post, copyright 2006, All Rights Reserved
For comments & sugestions please email: webmaster@discoverbohol.com
--About Us
--Contact Information
--HOMEpage
Front page news
PAL payable to MIAA to build Pangalo Airport
Newsplus
Panglao airport lot prices feared to "go exhobirant"
Ten excelling Boholanos to get TOBAW recognition.
June pension distribution snag isolated case - GSIS
Around Bohol
JAGNA
Jagna port closure threatens livelyhood of ordinary folks
UBAY
Ubay RORO ports spell magic to local economy
PRES. GARCIA
Mayor Boboy sees livestock as "fishing tension reducer"
BILAR
Bilarnon International conducts med mission
VOLUME XXI No. 3
Tagbilaran City, Bohol, Philippines
July 30, 2006 issue