Discover Bohol - Bohol Tours - Chocolate Hills - Panglao Beaches - Alona - Python - Sandugo - Baclayon Church - Balicasag
Bohol Sunday Post - Bohol Newspaper - Bohol news online - Bohol online news - Bohol latest news - Bohol news update - Bohol breaking news - What's happening in Bohol
Tagbilaran - Bohol - Telephone Directory
VOLUME XXIX No. 7
Tagbilaran City, Bohol, Philippines
August 24, 2014 issue
advertisement
-
-
ARCHIVED ISSUES
 
Bohol Realty - Panglao beach property - affordable house and Lot - overlooking view - commercial property - investment property - Bohol beach property

EBANGHELYO Minubo (Mateo 16:13-20)

 

Unya miadto Si Jesus sa yuta duol sa lungsod sa Cesarea Filipo, ug didto nangutana siya sa iyang mga tinun-an, “Sumala sa mga tawo, kinsa man ang Anak sa Tawo?” 14Sila mitubag, “May nag-ingon nga siya mao si Juan nga Magbubunyag; ang uban nag-ingon nga siya mao si Elias; samtang ang uban nag-ingon nga siya mao si Jeremias o laing propeta.” 15Si Jesus nangutana kanila, “Apan kamo, unsa may inyong ikasulti? Kinsa man ako?” 16Ug mitubag si Simon Pedro, “Ikaw mao ang Mesiyas, ang Anak sa Dios nga buhi.” 17Giingnan siya ni Jesus, “Simon, anak ni Jonas, bulahan ka gayod kay kining maong kamatuoran wala moabot kanimo gikan sa bisan kinsang tawo, kondili gihatag kanimo sa akong Amahan nga atua sa langit. 18Busa sultihan ko ikaw: ikaw si Pedro ug ibabaw niining bato tukoron ko ang akong Simbahan, ug bisan gani ang kamatayon dili gayod makabuntog niini. 19Ihatag ko kanimo ang mga yawi sa Gingharian sa langit: ang imong idili dinhi sa yuta, idili usab didto sa langit; ug ang imong itugot dinhi sa yuta, itugot usab didto sa langit.” 20Unya gipinahan ni Jesus ang iyang mga tinun-an nga dili sila manugilon kang bisan kinsa nga siya mao ang Mesiyas. Ang Ebanghelyo sa Ginoo.

oOo

KAHULOGAN SA EBANGHELYO (Mateo 16:13-20)

13a Unya miadto Si Jesus sa yuta duol sa lungsod sa Cesarea Filipo…

Gikan sa mga dakbayan sa Tiro ug Sidon, si Jesus uban sa iyang mga apostoles miadto na usab sa tiilan sa bukid sa Hermon nga mao ang lungsod sa Cesaria Filipo

13b ug didto nangutana siya sa iyang mga tinun-an, “Sumala sa mga tawo, kinsa man ang Anak sa Tawo?”

Layo sa daghang mga tawo nga buot mohimo niyang hari, si Jesus nangutana kanila mahitungod mismo sa iyang kaugalingon: kon kinsa siya sumala sa mga tawo.

14Sila mitubag, “May nag-ingon nga siya mao si Juan nga Magbubunyag… siya mao si Elias… siya mao si Jeremias o laing propeta.”

Bisan pa kon nagkalainlain ang pagtuo sa mga tawo mahitungod kang Jesus apan nagpabilin ang usa ka gituohan nila nga si Jesus “dili ordinaryo nga tawo”. Lahi ang iyang mga gipamulong ug gipamuhat.

15Si Jesus nangutana kanila, “Apan kamo, unsa may inyong ikasulti? Kinsa man ako?”

Mikuha si Jesus sa opinyon sa iyang kaugalingong mga apostoles. Dili lamang igo nga mamalandong sila sa unsay gisulti sa uban. Kinahanglan nga aduna sila mismoy personal nga baroganan kon kinsa siya.

Sa imong kaugalingon kinsa man si Jesus?

16Ug mitubag si Simon Pedro, “Ikaw mao ang Mesiyas, ang Anak sa Dios nga buhi.”

Ang tanang batid sa Bibliya nagtug-an nga adunay usa ka labing mahinungdanong kahulogan kining maong tudling. Wala kita masayod kon sa hunahuna ni Pedro iya na bang nasabtan ang teolohiya niini nga maoy gihisgutan sa mga Konsiho sa ika-4 ug ika-5 nga siglo (centuries). Igo na laman kita nga modawat sa kamatuoran nga si Pedro mihimog usa ka propesyon sa pagtuo. Ug iyang gigamit ang pulong “ben Elohim” nga sa ato pa “anak sa Dios”

Mabasa usab nato kining maong pulong diha sa Daang Testamento (Exodo 4:22; Deuteronomio 14:1; Kaalam 2:16, 18:13; Jeremias 31:20; 2 Samuel 7:14; Salmo 2:7, 89:27).

Sumala sa atong masabtan si Pedro wala mag-isip kang Jesus nga “anak sa Dios” sama da nga kitang tanan mga anak sa Dios; kondili adunay talagsaong kahulogan ang iyang gipamulong.

17Giingnan siya ni Jesus, “Simon, anak ni Jonas, bulahan ka gayod kay kining maong kamatuoran wala moabot kanimo gikan sa bisan kinsang tawo, kondili gihatag kanimo sa akong Amahan nga atua sa langit.

Mao kini ang mihatag og pagdason gikan kang Jesus sa nakat-onan ni Pedro—nga kini usa ka pagpadayag (revelation) gikan sa langitnong Amahan. Ang kaalam sa tawo bisan pa unsa kalantip dili gayod makatugkad sa kamatuoran sa Dios, hangtud nga adunay pagpadayag sa maong kaalam nga nagagikan gayod sa Dios (tan-awa sa Mt 11:27 ug Galacia 1:15-16).

18aBusa sultihan ko ikaw: ikaw si Pedro ug ibabaw niining bato tukoron ko ang akong Simbahan…

Mabasa usab kini diha sa Markos 8:27-30 ug Lukas 9:18-21. Apan si Mateo lamang ang mipadayon sa pagsaysay mahitungod sa kaakohan sa panimbahan (ecclesial responsibilities).

Tukion ta ang mga gipamulong ni Jesus ngadto kang Pedro:

1) bato (Pedro): simbolo sa kalig-on, simbolo sa Ginoo… 2) Simbahan: nga mao ang nagkatipon nga katawhan nga gitawag sa Dios… 3) Ganghaan (Gates of Hades): sa karaang panahon mao ang panalipod sa dakbayan… 4) Yawi: simbolo sa gahum… 5) Gahum sa pagdili o pagtugot: simbolo sa kahiusahan sa duha ka managlahi nga butang.

18bug bisan gani ang (ganghaan sa) kamatayon dili gayod makabuntog niini.

Dinhi gipasabot ni Jesus ang kalig-on sa maong Simbahan. Bisan pa sa daghang mga pagsulay nga giatubang sa Simbahan labi na sa atong panahon karon, magpabilin nga lig-on kini kay ang iyang gahum dili gikan sa tawo kondili gikan sa Dios!

19aIhatag ko kanimo ang mga yawi sa Gingharian sa langit…

Sa daang panahon, kinsa kadtong gitahasan sa pagkupot sa yawi mao usab ang gitahasan sa tanang gahum.

19bang imong idili dinhi sa yuta, idili usab didto sa langit; ug ang imong itugot dinhi sa yuta, itugot usab didto sa langit.”

Ang pagtuo wala magaagad sa kinaugalingon o personal nga paghunahuna, pagbati, paghukom lamang. Kinahanglan usab ang institusyon sa Simbahan, ang iyang mga pangulo—Santo Papa, Obispo, kaparian, madre, laygo—labi na sa pagtudlo kanato bahin sa doktrina ug pagtulun-ang moral.

20Unya gipinahan ni Jesus ang iyang mga tinun-an nga dili sila manugilon kang bisan kinsa nga siya mao ang Mesiyas.

Mibahan si Jesus nga ang iyang mga tinun-an dili una manugilon kang bisan kinsa nga siya diay mao ang Mesiyas aron sa pagpanalipod sa maong kamatuoran nga dili una matuis sa panabot sa mga yanong mga tawo. Alang kang Jesus adunay saktong panahon aron kini ikabutyag ngadto sa uban.

-
-
The Bohol Sunday Post, copyright 2006 - 2014, All Rights Reserved
For comments & sugestions please email: webmaster@discoverbohol.com