Discover Bohol - Bohol Tours - Chocolate Hills - Panglao Beaches - Alona - Python - Sandugo - Baclayon Church - Balicasag
Bohol Sunday Post - Bohol Newspaper - Bohol news online - Bohol online news - Bohol latest news - Bohol news update - Bohol breaking news - What's happening in Bohol
Tagbilaran - Bohol - Telephone Directory
VOLUME XXVIII No. 39
Tagbilaran City, Bohol, Philippines
April 6, 2014 issue
advertisement
-
-
ARCHIVED ISSUES
 
Bohol Realty - Panglao beach property - affordable house and Lot - overlooking view - commercial property - investment property - Bohol beach property

EBANGHELYO (Jn. 11:3-7, 17, 20-27, 33-45)

 

3Busa ang magsuon nga si Maria ug si Marta nagpadalag balita kang Jesus nga nasakit si Lazaro, ang suod niyang higala. 4Sa pagkabalita ni Jesus niini, miingon siya, “Dili siya mamatay niining sakita; nahitabo kini aron kapasidunggan ang Dios, ug pinaagi niini kapasidunggan usab ang Anak sa Dios.”5Suod si Jesus ni Marta, ni Maria, ug ni Lazaro. 6Sa pagkabalita niya nga nasakit si Lazaro, nagpabilin siyag duha pa ka adlaw niadtong dapita. Unya miingon siya sa mga tinun-an, “Mamalik kita sa Judea.'17Sa pag-abot ni Jesus, nasayran niya nga si Lazaro upat na ka adlaw didto sa lubnganan. 20Sa pagkabalita ni Marta nga taliabot si Jesus, migula siya aron pagsugat kaniya; apan nagpabilin sa balay si Maria. 21Si Marta miingon kang Jesus, “Kon dinhi ka pa lamang, Ginoo, dili unta mamatay ang akong igsuon! 22Hinoon, nasayod ako nga bisan karon mohatag ang Dios kanimo bisag unsay imong pangayoon.” 23Si Jesus miingon kaniya, “Mabanhaw ang imong igsuon.” 24Siya mitubag, “Nahibalo ako nga mabanhaw siya sa katapusang adlaw.” 25Ug si Jesus miingon kaniya, “Ako ang pagkabanhaw ug ang kinabuhi. Ang nagtuo kanako, bisan tuod mamatay, mabuhi; 26ug ang tanan nga buhi ug nagtuo kanako dili gayod mamatay. Mituo ka ba niini?” 27Ug siya mitubag, “Oo, Ginoo, mituo ako nga ikaw ang Mesiyas, ang Anak sa Dios, nga moanhi sa kalibutan.”

33Nakita ni Jesus nga naghilak siya ingon man ang mga Judio nga mikuyog kaniya, ug natandog pag-ayo ang iyang kasingkasing ug nanghupaw siya. 34“Hain man ninyo siya ilubong?” nangutana siya kanila. Dali ngari ug tan-awa, Ginoo,” mitubag sila. 35Ug mihilak si Jesus. 36Tungod niini ang mga Judio miingon, “Tan-awa, pagkadako gayod sa iyang paghigugma kang Lazaro!” 37Apan ang uban miingon, “Dili ba gipabuka man niya ang mga mata sa buta? Nganong wala man siya makapugong sa kamatayon ni Lazaro?” 38Natandog na usab ang kasingkasing ni Jesus ug miadto na siya sa lubong. Usa kini ka langob ug ang pultahan niini gialihag bato. 39“Kuhaa ninyo ang bato!” misugo si Jesus. Si Marta, ang igsuon sa namatay, miingon, “Ginoo, baho na siya karon, kay upat na man ka adlaw nga gilubong siya!” 40Si Jesus miingon kaniya, “Wala ko ba ikaw sultihi nga makita mo ang himaya sa Dios kon motuo ka?” 41Ug ilang gikuha ang bato. Unya mihangad si Jesus ug miingon, “Amahan, nagpasalamat ako kanimo nga namati ka kanako. 42Nasayod ako nga kanunay kang mamati kanako, apan nagsulti ako niini tungod niining mga tawo nga ania dinhi, aron sila motuo nga ikaw maoy nagpadala kanako.” 43Ug human niya isulti kini, misingit siya ug kusog, “Lazaro, gula ngari!” 44Ug migula ang namatay nga binugkosan og mga bendahi ang iyang mga kamot og tiil, og ang iyang nawong pinutos og panapton. “Badbari ninyo siya ug palakta,” giingnan sila ni Jesus. Ang Ebanghelyo sa Ginoo.

oOo

KAHULOGAN SA EBANGHELYO (Jn. 11:3-7, 17, 20-27, 33-45)

3Busa ang magsuon nga si Maria ug si Marta nagpadalag balita kang Jesus nga nasakit si Lazaro, ang suod niyang higala. 4Sa pagkabalita ni Jesus niini, miingon siya, “Dili siya mamatay niining sakita; nahitabo kini aron kapasidunggan ang Dios, ug pinaagi niini kapasidunggan usab ang Anak sa Dios.”

Diha sa kadaghan ug kalisod sa mga buluhaton, si Jesus nakakaplag sa Betania nga usa ka dapit nga siya nakapahulay. Dinhi aduna siyay mga suod nga higala, sila si Maria ug si Marta ug ang ilang igsoong lalaki nga si Lazaro.

5Suod si Jesus ni Marta, ni Maria, ug ni Lazaro. 6Sa pagkabalita niya nga nasakit si Lazaro, nagpabilin siyag duha pa ka adlaw niadtong dapita. 7Unya miingon siya sa mga tinun-an, “Mamalik kita sa Judea.” 17Sa pag-abot ni Jesus, nasayran niya nga si Lazaro upat na ka adlaw didto sa lubnganan. 20Sa pagkabalita ni Marta nga taliabot si Jesus, migula siya aron pagsugat kaniya; apan nagpabilin sa balay si Maria. 21Si Marta miingon kang Jesus, “Kon dinhi ka pa lamang, Ginoo, dili unta mamatay ang akong igsuon! 22Hinoon, nasayod ako nga bisan karon mohatag ang Dios kanimo bisag unsay imong pangayoon.” 23Si Jesus miingon kaniya, “Mabanhaw ang imong igsuon.” 24Siya mitubag, “Nahibalo ako nga mabanhaw siya sa katapusang adlaw.” 25Ug si Jesus miingon kaniya, “Ako ang pagkabanhaw ug ang kinabuhi. Ang nagtuo kanako, bisan tuod mamatay, mabuhi; 26ug ang tanan nga buhi ug nagtuo kanako dili gayod mamatay. Mituo ka ba niini?” 27Ug siya mitubag, “Oo, Ginoo, mituo ako nga ikaw ang Mesiyas, ang Anak sa Dios, nga moanhi sa kalibutan.” Sama sa daghang mga Judio niadtong panahona, si Marta mituo sa pagkabanhaw sa “katapusan sa panahon”. Apan si Jesus nangutana kaniya sa usa ka bag-ong butang: ang pagkabanhaw nga “mahitabo karon” pinaagi sa Iyang pagpahayag, “Ako ang pagkabanhaw…”

Mao kini ang tubag sa Dios sa usa ka mahinungdanong pangutana sa katawhan: pangutana nga molutaw sa matag usa kanato labi na kon anaa giatubang ang kamatuoran mahitungod sa kamatayon. Diha sa atong gilitok sa Pahayag sa Pagtuo kon CREDO, mabasa nato kini: “Si Jesus, namatay ug nabanhaw!” Hamubong pamahayag. Sama kayano sa buntag sa adlaw sa Pagkabanhaw. Apan makahuloganon. Walay tawo nga mituo sa pagkabanhaw ni Cristo nga dili usab mopuyo sa kinabuhi nga walay gugma, kinabuhi nga walay paglaum, kinabuhi nga walay kalipay nga gipaambit. Kon ugaling mamatay ikaw karong adlawa, unsaon kaha nimo sa paggamit sa nahabiling takna sa imong pagpuyo niining kalibutana, una pa ikaw dad-on ngadto sa paggakos sa Ginoo? Anaa bay pagtuo sa pagkabanhaw ang imong kinabuhi?

33Nakita ni Jesus nga naghilak siya ingon man ang mga Judio nga mikuyog kaniya, ug natandog pag-ayo ang iyang kasingkasing ug nanghupaw siya. 34“Hain man ninyo siya ilubong?” nangutana siya kanila. Dali ngari ug tan-awa, Ginoo,” mitubag sila. 35Ug mihilak si Jesus. 36Tungod niini ang mga Judio miingon, “Tan-awa, pagkadako gayod sa iyang paghigugma kang Lazaro!” 37Apan ang uban miingon, “Dili ba gipabuka man niya ang mga mata sa buta? Nganong wala man siya makapugong sa kamatayon ni Lazaro?” 38 Natandog na usab ang kasingkasing ni Jesus ug miadto na siya sa lubong. Usa kini ka langob ug ang pultahan niini gialihag bato.

Sa tulo ka higayon, sa pagsaysay sa paghilak nila ni Marta ug Maria, ug sa Judio, si San Juan migamit sa pulong sa Griego nga “klaiein”, nga nagkahulogan og “pagminatay nga paghilak”. Apan sa maong saysay, Si Juan migamit sa pulong Griego nga “dakruein” sa paghulagway sa paghilak ni Jesus nga nagkahulogan og “pagtulo sa hilak diha sa kahilom.” Kini nagpasabot nga bisan pa kon si Jesus nasubo sa kamatayon ni Lazaro nagapabilin gayod ang iyang pagbati nga kini maharongan pa gayod sa balaanong gahum. 39“Kuhaa ninyo ang bato!” misugo si Jesus. Si Marta, ang igsuon sa namatay, miingon, “Ginoo, baho na siya karon, kay upat na man ka adlaw nga gilubong siya!” 40Si Jesus miingon kaniya, “Wala ko ba ikaw sultihi nga makita mo ang himaya sa Dios kon motuo ka?” 41Ug ilang gikuha ang bato. Unya mihangad si Jesus ug miingon, “Amahan, nagpasalamat ako kanimo nga namati ka kanako. 42Nasayod ako nga kanunay kang mamati kanako, apan nagsulti ako niini tungod niining mga tawo nga ania dinhi, aron sila motuo nga ikaw maoy nagpadala kanako.”

Ang katas-on niining maong saysay nagsug-yot nga ang tuyo ni San Juan sa iyang pagsulat niini dili lamang mao ang pagtaho sa pagkabanhaw ni Lazaro, kondili ang paghulagway usab sa nagkaanam nga paglawom sa pagtuo sa mga tawo nga naglibot kang Jesus. Mao kini ang atong makita sa gilitok nga pag-ampo ni Jesus: Wala niya hisgoti ang milagro nga iyang pagahimoon, kondili ang epekto niini ngadto sa mga nagmakulangon o wala pay pagtuo. Pananglitan: 1) Ang mga tinun-an nagduhaduha sa pagtukad sa Jerusalem. Diha kanila ang kahadlok; 2) Si Marta may kabalaka mahitungod sa pag-abli sa lubnganan. Nagtuo siya nga nanimaho na ang patayng lawas ni Lazaro; ug 3) Ang mga Judio, bisan pa sa ilang kasubo, miduaw sa lubnganan aron moapil sa paghilak (professional mourners).

43Ug human niya isulti kini, misingit siya ug kusog, “Lazaro, gula ngari!” 44Ug migula ang namatay nga binugkosan og mga bendahi ang iyang mga kamot og tiil, og ang iyang nawong pinutos og panapton. “Badbari ninyo siya ug palakta,” giingnan sila ni Jesus. Alang kang Jesus, ang labing mahinungdanong hatagan og pagtagad sa tawo mao kini: nga dili lamang nga kita makagula gikan sa atong mga lubnganan usa niana ka adlaw, kondili nga makalabang kita gikan niining kinabuhi ngadto sa Gingharian sa Dios, ang kahingpitan sa kinabuhi, pinaagi Kaniya, ang Pagkabanhaw ug Kinabuhi.

-
-
The Bohol Sunday Post, copyright 2006 - 2014, All Rights Reserved
For comments & sugestions please email: webmaster@discoverbohol.com