Santo Nino (A) Enero 16, 2011

EBANGHELYO (Mateo 18:1-5,10)

1 Niadtong higayona ang mga tinun-an nangadto kang Jesus ug nangutana. “Kinsa man ang labing dako sa Gingharian sa Langit?

2 Si Jesus mitawag og usa ka bata ug gipatindog niya sa atubangan nila, 3 ug miingon siya, “Hinumdumi kini: ga­was kon mausab kamo ug mahimong sama sa mga bata, dili gayod kamo makasulod sa Gingharian sa Langit. 4 Ang labing dako sa Gingharian sa Langit mao ang magpaubos sa iyang kau­galingon ug magpakasama niining bataa. 5 Ug ang magadawat og usa ka bata nga sama niini sa akong ngalan, magdawat kanako.

10 Matngoni ninyo nga dili kamo magtamay bisag usa niining mga gagmayng bata. Kay sultihan ko kamo nga ang ilang mga anghel atua kanunay sa atubangan sa akong Amahan didto sa langit.” Ang Ebanghelyo sa Ginoo.

KAHULOGAN SA EBANGHELYO (Mateo 18:1-5,10)

Pasiuna: Sumala sa kinatibuk-ang ba­hin sa Ebanghelyo sumala ni San Mateo, kini mao ang sinugdanan sa ika-upat nga bahin sa mga pagtulun-an nga gisulti ni Cristo. Dinhi gitapok ni San Mateo ang pag­tulun-an mahitungod sa “kinabuhi nga katilingba­non” (community life). 1 Niadtong higayona ang mga tinun-an nangadto kang Jesus ug nangutana, “Kinsa man ang labing dako sa Gingharian sa Langit?” Aniay usa ka talagsaong pangutana nga nagkinahanglan og talagsaong tubag. Tungod kay kini gi­pangutana man sa mga tinun-an kana nag­pasabot nga wala gayo'y kabangkaagan siIa kon unsa ang Gingharian sa Langit.

Sa atong kinabuhi mahinungdanon kaayo kon hain kita mag-atubang o mag­padulong ang atong mga tinguha. Kon kini anaa diha sa mga kinaugalingon o per­sonal nga mga tingusbawan, gahom, dungog, o pagpasidungog sa kaugalingon, kita gayod anaa mahimutang sa dapit nga suk­wahi sa unsay kabubut-on sa Dios. Ang pagkasakop sa Gingharian sa Langit mao ang pagdumili sa kaugalingon, ang paghi­kalimot sa kaugalingon, ug ang pagtinguha sa pagpangalagad dili sa pag-angkon og gahom.

Ang Gingharian sa Langit usa ka katiling­ban. Dinhi mahibaloan nato kon unsa ang gikinahanglan aron kita mahiapil sa maong katilingban. 2 Si Jesus mitawag og usa ka bata ug gipatin­dog niya sa atubangan niIa... Mao kini ang Iabing unang balaod sa ki­nabuhing katilingbanon: ang pagtagad sa Iabing gagmay, Iabing ubos—kadtong walay kusog, walay gahom. Himoa ang imong kaugalingon nga “gagmay ” o “ubos”. Ang pagka-gagmay o pagka-ubos maoy sukwahi sa pagka-dako, pagka-bantugan.

3 ug miingon siya, “Hinumdumi kini: gawas kon mausab kamo ug mahimong sama sa mga bata, dili gayod kamo makasulod sa Gingharlan sa Langit. 4 Ang Iabing dako sa Gingharian sa Langit mao ang magpaubos sa iyang kaugalingon ug magpakasama niining bataa. Si Jesus nagpahinumdum kanato sa daghang mga dalaygong mithi sa usa ka gagmay nga bata. Una, ang iyang pagka­walay garbo. WaIa siya maghunahuna nga mahimong ilhon, hatagag pagtagad. Igo na sa bata nga anaa siya sa Iikod, walay timik, walay gimok. Anaa usab sa gagmayng bata ang iya pang pagsalig sa uban. Wala pa sa iyang pangisip nga siya makabarog ra sa iyang kaugalingon. Nagsalig siya sa mga tawo nga nahigugma ug nagpangga kaniya.

Dako ang iyang pagsalig Iabi na sa iyang mga ginikanan. Nasayod siya nga ang iyang mga ginikanan maoy maghatag kaniya og pagkaon, sapot, dulaan, balay, edukasyon ug uban pa. Kon siya mobi­yahe, ang gamayng bata walay kabalaka sa iyang plete, sa dapit nga iyang padungan. Apan masaligon siya nga moabot ra gayod sa usa ka dapit nga abotanan.Sama ba ako sa bata nga may pag­tuo nga dili ako makabarog kon walay Dios? Kinsa man ang akong gisaligan? Ang Dios ba o ang akong kaugali­ngon?

5 Ug ang magadawat og usa ka bata nga sama niini sa akong ngalan, magdawat kanako.

Ang pagtulun-an mahitungod sa Lawas nga Mistiko (Mystical Body) anaa dinhi. Ug kini mao: Kon unsay atong gihimo sa Iabing ubos, kini atong gi­himo ngadto kang Cristo. Kinsa usab ang nagpasagad o naghimog kadaot ngadto sa bata, kini iya usab nga gi­himo kadto kang Cristo. Ang su­karanan sa kinabuhi nga katilingbanon mao diay ang pagtahod sa usag-usa, Iabi na niadtong mga labing ubos, kad­tong mga huyang. Angay usab natong hibaloan nga ang pulong bata sumala sa mga Judio nagkahulogan usab og mga “bata pa sa pagtuo”. Ang mga magtutudlo nga Judio nag-isip sa ang mga bag-ong tinun-an nga mga “bata sa pagtuo”. Sa ato pa nagpasabot usab kini sa mga tawo nga mao pay pagsugod sa pagkupot sa pagtuo.

Unsa man ako? Hamtong na o bata pa diha sa pagtuo? Daghan pa ba sa atong mga silingan nga mga “bata pa sa Kristohahong Pagtuo? Unsa may atong mahimo alang kanila? 10 Matngoni ninyo nga dili kamo magtamay bisag usa niinlng mga gagmayng bata. Kay sultihan ko kamo nga ang ilang mga anghel atua kanunay sa atubangan sa akong Amahan didto sa langit” Kadtong gituohan kanato nga labing gamay o labing ubos, mao hinoon ang labing mahinungdanon sa mga mata sa Dios. Alang sa Dios kini sila mao ang adunay walay kinutubang bili kay ila man ang Gingharian sa Langit. Adunay tulo ka mga kahulogan sa gagmayng bata sumala sa gitudlo ni Cristo. Una, nga kon ang bata ug kad­tong nahisamag bata tungod kay anaa sa kaubos atong dawaton kita maka­dawat gayod og panalangin. Ikaduha, nga ang pagdawat sa bata nagkahulo­gan og paghatag kanilag pag-amoma, pagtabang, ug labi na sa pagtudlo kaniya sa unsay angay nga buhaton. lkatulo, nga si Jesus anaa diay nagpa­hipi sa matag bata, kadtong atong ubos nga mga igsoon.